கண்ணே மொழி வேண்டாம்
உந்தன் விழி மட்டும் போதும் - போதும்
கண்ணே தென்றல் வேண்டாம்
உந்தன் தேகம் மட்டும் போதும்
மலர் சிந்தும் தேன் வேண்டாம்
உந்தன் இதழ் தரும் சுவை போதும்
முக்கனி வேண்டாம்
இக்கன்னி ஒன்றே போதும் போதும் போதும்
(கண்ணே மொழி ...)
உறவே பழசு வேண்டாம் காதல் சொல் போதும்
உயிரின் ஓசை வேண்டாம் காதல் ஒன்று போதும்
அதிகாலை நிலவே வேண்டாம்
அடடா இவள் முகம் போதும்
அசைந்தாடும் கொடியே வேண்டாம்
வளைந்தாடும் இவள் இடை போதும்
வான் மேக கூட்டம் வேண்டாம்
காதல் கூந்தல் தோட்டம் போதும்
வண்ண மலர்கள் பஞ்சனை வேண்டாம்
இவள் மடிசுகம் ஒன்றே போதும்
இலக்கியமே இனி வேண்டாம்
இவள் இளமை சிந்தும் கவி போதும்
சுவாசமே வேண்டாம்
இவள் வாசம் மட்டும் போதும் போதும் போதும்
(கண்ணே மொழி ...)
அந்த ஏழு அதிசயம் இனி வேண்டாம்
அந்த அழகின் அதிசயம் நீ போதும் - கண்ணே
குகூ குயிலின் குரல் இசை இனி வேண்டாம்
கொஞ்சும் காதல் மழலை நீ போதும் - கண்ணே கண்ணே
அந்த வானவில்லும் வேண்டாம்
உந்தன் நினைவின் வண்ணம் போதும்
பல கோடி புன் நகை வேண்டாம்
உன் புன்னகை ஒன்றே போதும்
அடி அகிலமே வேண்டாம் அருகில் நீ இருந்தாலே.. போதும் போதும் போதும்
(கண்ணே மொழி ...)
Shree - Kannae Mozhi Vaendam
